रुग्णांच्या आयुष्यामध्ये हास्य व प्राण फुलवणारा एक जनसेवक डॉ बी एन पठाण

 रुग्णांच्या आयुष्यामध्ये हास्य व प्राण फुलवणारा एक जनसेवक डॉ.बी.एन. पठाण 

 

   अहमदनगर जिल्ह्यातील पाथर्डी तालुक्यातील येळी हे एक  गाव .ज्या गावाने संपूर्ण महाराष्ट्रात आपले नाव लौकिक केले असे हे येळी गाव .या गावानेअनेक शिक्षक या महाराष्ट्राला दिले आहे .अनेक डॉक्टर इंजिनियर, नेते ,या गावाने दिले आहे .येळी या गावची एक वेगळीच ओळख अहमदनगर जिल्ह्यत आहे ते म्हणजे शिक्षकांचे गाव ..याच गावामध्ये अनेक जाती धर्माचे लोक राहतात .अगदी बोटावर मोजणे इतके मुस्लिम समाजाचे घर या गावात आहे. त्यातील एक म्हणजे डॉ.नामदार पठाण  यांचे .दि 29 /01/1947 रोजी डॉ.नामदार बापूखा पठाण व मेहताबबी पठाण या दाम्पत्याला पुत्ररत्न प्राप्त झाले .ते दुसरे तिसरे कोणी नसून माझे वडील डॉ. बाबासाहाब नामदार पठाण हे होय. 

     लहान वयापासून त्याच्या वडिलांचा वैद्यकीय व्यवसाय हा त्यांना खूप आवडत असे. आपण ही मोठ्या पाणी डॉक्टर होऊ हाच उद्देश  त्यांनी ठेवला होता.या कामी त्याचे  मोठे बंधू बाबूलाल पाटील यांचे मात्र मोलाचे मार्गदर्शन त्यांना लाभले.पुढे मोठे झाल्यावर वैद्यकीय व्यवसाय त्यांनी निवडला . त्या काळी ग्रामीण भागात जास्त डॉक्टर नव्हते जे होते ते प्रामाणिक पणे रुग्णाची सेवा करत.रुग्णांकडे पैसे असो किंवा नसो आपले जे कार्य आहे ते करत राहायचे . 

त्यांनी पुढे आपला हा व्यवसाय तींतरवणी सारख्या ग्रामीण भागात सुरू केला तब्बल ५० वर्षांपर्यंत त्यांनी  रुग्णसेवा केली. 

       रुग्णसेवा करून एखाद्या रुग्णांचे प्राण वाचवून सेवा करणे हे प्रत्येक डॉक्टरचे कर्तृव्य मानले जात असले तरी आजच्या काळामध्ये पैसा व प्रतिष्ठा मिळवण्याच्या प्रयत्नात अनेक डॉक्टर आपल्याला नक्कीच दिसतात हे अनुभवांअंती सर्वांनाच माहिती आहे. मात्र ग्रामीण भागात राहून सर्वसामान्य रुग्णांनाची ५० वर्ष अतिशय कमी दरात व गावागावांत जावून सेवा करून या रुग्णांचे खऱ्या अर्थाने देवदूत ठरत असणारे पठाण दांपत्य हे कुठल्याही प्रसिद्धीस आले नाहीत हे विशेष. खेड्यामध्ये जाण्यासाठी वाहने नसताना या दाम्मत्यांनी सायकलवरून प्रवास करत मध्यरात्रीपर्यंत रुग्णांची सेवा केली. 

     तसेच गावातील लेकींना बाळंतपणासाठी कधीही मोठ्या दवाखान्यांमध्ये जाण्याची वेळ आली नाही वा अवाढव्यही ब खर्चासळी पडण्याची गरज पडली नाही. साधा निरोप जरी या दाम्पत्यांना मिळाला तर सायकलवर अथावा कोणी मोटारसायकल घेवून आले तर मोटारसायकलवर प्रवास करून बाळंतपण पुर्ण होईपर्यंत तिथेच थांबून नॉर्मल डिलेवरी करत ते ही अत्यंत अल्पदरात. डॉ. बाबासाहब पठाण व त्यांच्या पत्नी या सर्वसामान्य नागरिकांच्या सेवेत कायमच झोकून देत असत. त्यांचा जीवनाचा प्रवास डोळ्यांमध्ये साचताना दिपून जाते त्यांचे अहोरात्र जिंव्हळणारे कष्ट खूप काही सांगून जातात. आपल्या संपूर्ण जीवनभरांच्या कार्यकाळात रात्रंदिवस लोकसेवेसाठी तत्पर असणारी त्यांची वैद्यकीय ग्रामीण भागातील लोकांसाठी असणारी सेवा खूप गुणकारी होती. आपल्या समग्र आयुष्यामध्ये त्यांच्या डॉक्टरकीच्या हाताला गुण होता अत्यंत नाममात्र शुल्का मध्ये रुग्णांची सेवा करणारा डॉक्टर रात्रीचा दिवस करून गरिबांचा वाली, आजही त्यांच्या ग्रामीण भागामध्ये लोकांच्या मना मनामध्ये घर करून बसलेला आहे.

त्यांच्या त्या काळामध्ये वाहतुकीची साधने नसल्याने डोंगर, वाड्या, गावे, पायी तर कधी सायकल वरून जात पावसाळा असो वा हिवाळा रुग्णांच्या सेवेसाठी ते सदैव तत्पर असत. कित्येक वेळा त्यांनी बैलगाडीने प्रवास करून रात्रीचा दिवस करून घरच्यांचा कशाचाही विचार न करता सतत रुग्णसेवा हीच आपली ईश्वरसेवा समजून कुणी त्याचा मोबदला दिला तर ठीक तर कधी नाही दिला तरी धन्यता मानून आपली सेवा ते देत होते. रात्रीच्या वेळेस कधी रस्त्याने सायकल पंमचर झाली तरी ते थांबत नव्हते कित्येक किलोमीटर पायी चालत रुग्णांच्या सेवेसाठी पोहचत असे .कधी कधी या रात्रीच्या प्रसंगी अनेकवेळा चोरांनी त्यांना रस्त्यामध्ये अंधारात अडवले पण हे तर डॉक्टर आहेत  रुग्णाच्या तपासणीसाठी चालले आहे .कित्येक वेळा चोरांनी त्यांना घरापर्यंत व्यवस्थित पोहचवले असे आपले कार्य खूप महान होते. एखाद्या रुग्णास पैश्याची अडचण जरी असली तर ते विनामुल्य सेवा देत असे. आपल्या शांत, संयमी स्वभावाने रुग्णांच्या आयुष्यामध्ये  हास्य व प्राण फुलवणारा स्वभाव आम्हांला आजही पहायला मिळतो.

      आज आपला वाढदिवस आपणास वाढदिवसाच्या खूप खूप शुभेच्छा

          ✍🏻 तनवीर पठाण ✍🏻

               काझीनगर बीड